ادخل وانت تعرف

ازاى تنفض لبنت او لاى حد عايز يخرج معاك


لو واحدة عاوزة تخرج معاك اونت مش حابب الموضوع حتقولها ايه؟؟؟؟!

طبعا اسهل حاجة تقولها انك مش عاوز تخرج معاها بس لو حتقدر تقول كدة وتتحمل العواقب المترتبه على صراحتك زى انها تلزق ليك زيادة او تزن عليك او انك تخسرها للابد ونصيحه ماتخسرش حد ممكن تحتاج له تانى فى اى يوم والحل الوسط انك تقدم حجه من الحجج دى

انا مش هاينفع اخرج علشان ...

-انا رتبت اوضتى النهاردة الصبح وبعدين اكتشفت انى وضبتها غلط فاهضطر اقعد ارتبها من اول وجديد (( منظم اوى الولا))

- لازم اروح القسم ..كلمونى الصبح وقالوا ليا عايزينك خمسه .. ادعيلى



_ انا وصلت النهاردة فى لعبه luxor (( ليفيل)) محتاج اقعد النهاردة اركز شويه



- مشغول النهاردة اوى اكتشفت ان التلاجه مليانه معلبات لازم اقعد واشوف تواريخ الصلاحيه والانتهاء بتاعه كل واحدة


_ غسلت شرابى ونشرته بس فيه فردة وقعت فى بلكونه الجيران والجيران مسافرين (( ياصباح الشحاته المعلبه يعنى))


_ عندى معاد مع الدكتور هاروح اعمل فحص كامل .. حاسس انى مش مظبوط


_ اصل فى شرخ جامد فى العمارة خايف احسن تقع علشان كدة لازم اقعد الم كل حاجتى علشان ابقى جاهز لو حصلت اى حاجة



_ اصل ماما نازله تشترى كرسى متحرك لازم انزل معاها انا مقدرش اسيبها لوحدها بعد مااتشلت بسببى ..



_ اصل انا اشتريت موبيل جديد ولازم احطه فى الشحن 24 ساعه متصلين



_ انا عاوز اخرج معاكى بس عقلى الباطن بيقولى لا



_ انا عايز اخرج معاكى بس البرج بتاعى بيقولى نصائب فى الطريق اليك لازم اقعد استناها



_ اصل انا مكتئب روحت النهاردة لقيت الزرع اللى فى البيت كله مات



_ انبوبه الصمغ ضربت فى ايدى وانا دلؤقتى لازق فى الدولاب



_ اصل التليفزيون حيعرض فيلم انا مستنيه من زمان (( الحفيد)) (( لا ليك حق والله ))


_ لو كانت بتكلمك يوم التلاتاء اقولها اصل انا مش بحب اخرج يوم التلاتاء



_ اصلى واخد حكم ست شهور فى شيك ولازم اروح اسلم نفسى النهاردة



- بيقولك فى مظاهرات فى البلد مش حينفع نخرج



_ ابن خالتى سايب القطه بتعته عندى لازم اقعد معاها اصلها عندها اكتئاب (( ياعينى ياحرام))

ميرسى tuxedo