عايزين تعرفوا مين هو المصرى ؟ طب ادخل بقى وانا اقول لكم

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
**********
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
**********
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
**********
طيبة المصري مش ممكن تلاقي زيّها فى اي بلد تانية

ah walahy 3ndk 72 ya mariem awl mara ala2y 7d byshkor fe al masry :|

thanks mariem 3la al topic dh

ah wallahy fe3lan begad
eh2 eh2 eh2 eh2
bas ana mesh masry

’ميرسى tota وميرسى tuxedo على الردود