atnen sm3hom t2eel :d

لو حد فى المنتدى سمعه تقيل ياريت ما يزعلش


اثنين مصريين سمعهم ثقيل جداً واقفين على محطة الاتوبيس:



إسمعوا وأحكموا

الأول : الاتوبيس ده بيروح مــصر الجديدة؟

الثاني : على الحديدة !!...ايه انت طالب احسان ؟

الأول : بذرة كتان !! لا ..دي تلاقيها عند العطار

الثاني : جزار!! انت .. عايز تشتري لحمة

الأول : زحمة ... ده معاد خروج الموظفين

الثاني : نور الدين !! .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف جميل هادي

الأول .: المعادى ... دى ضحية جميلة

الثاني : بليلة !! انت جعان

الأول : تعبان .... عايز تروح لدكتور ؟

الثاني: حنطور ... دى مواصلة جميلة و بتوصلك لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عايز اسـبرين ! ليه انت عندك صداع ؟

الثاني : قراع !!! . ده مرض خطير

الأول : فطير !!! ده تقيل على المعدة و تمنه غالى

الثاني: خالي !!!انت تعرفه منين ؟ ده راجل كبير فى السن

الأول : الجن !!! ..انت عليك عفريت .!؟

الثاني : لا مش معايا كبريت..انت عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني : يقبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...

الثاني : أنتاج محلي !!!! ده مستورد

يمر شاويش ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة